Drejtore Ekzekutive

Herolinda Shkullaku

Lindur në vitin 1976, në Pogradec

Pas përfundimit të studimeve për gjuhë angleze në Fakultetin e Gjuhëve të Huaja në Universitetin e Tiranës,  znj. Shkullaku punoi për tre vjet si mësuese e gjuhës angleze dhe asaj gjermane në një nga shkollat e mesme të Rrethit Pogradec dhe më pas në Shkollën Nehemia. 

Prej vitit 2002, bashkëpunimi me Nehemiah Gateway u thellua më tej. Znj. Shkullaku mori përsipër disa funksione si p.sh. Asistente e Kryetarit të Bordit Ekzekutiv, më pas Asistente e Kryetarit të Bordit Mbikëqyrës për një periudhë 6 vjeçare. Njëkohësisht, ajo fitoi përvojë si Drejtuese e Projektit të Gjuhëve të Huaja dhe Forumit Profesional në këtë organizatë. 

Në vitin 2009, znj. Shkullaku u emërua Drejtuese e Qendrës Kombëtare të Nehemiah Gateway Albania, duke koordinuar punën për 9 qendrat lokale në gjithë Shqipërinë si dhe shërbimet qendrore të Burimeve Njerëzore. Gjatë kësaj periudhe, ajo përfundoi me sukses studimet e dyta në Degën Biznes dhe Ekonomi pranë Shkollës së Lartë Nehemiah Gateway.

Në janar 2013, znj. Shkullaku u emërua Drejtore Ekzekutive e Nehemiah Gateway Albania.

Te Nehemiah Gateway Albania, ajo shikon një mundësi për t’i shërbyer vendit të saj, duke ofruar modele dhe duke ndihmuar e fuqizuar njerëzit në nevojë dhe sidomos të rinjtë që në mënyrë të qëndrueshme të ndërtojnë jetët e tyre me dinjitet dhe pavarësi.

Znj. Shkullaku është e martuar dhe ka një djalë.